SAÍDA AO TEATRO AFUNDACIÓN

O VENRES 19 DE ABRIL FOMOS A CORUÑA AO TEATRO DE AFUNDACIÓN VER UN ESPECTÁCULO DE TÍTERES, PINGÜÍN. GUSTOUNOS MOITO!

APROVEITAMOS QUE ÍAMOS TODAS AS ESCOLAS DO CRA PARA FACER UN DÍA DE CONVIVENCIA.

CAMIÑAMOS ATA A PRAZA DE MARÍA PITA E MERENDAMOS NOS SOPORTAIS DO CONCELLO. DESPOIS, TIVEMOS UN TEMPO DE LECER NO PARQUE DA MARINA.

CONTACONTOS DRAGONA RAMONA

O MÉRCORES DÍA 17 DE ABRIL VEU DE VISITA Á ESCOLA, A DRAGONA RAMONA.

COUTOUNOS O CONTO DE "UN LEÓN EN LA BIBLIOTECA" QUE NOS GUSTOU MOITO.

MOITAS GRACIAS POR VIR, FOI UN TEMPO DE LER XENIAL!

ANIVERSARIOS DO SEGUNDO TRIMESTRE

FINALMENTE ESTE XOVES, PUIDEMOS FESTEXAR OS ANIVERSARIOS DO SEGUNDO TRIMESTRE.

O DÍA QUE ESTABA PROGRAMADO, ALGÚNS DOS NENOS QUE CUMPRIRON ANOS, ESTABAN OU ESTIVERAN ENFERMOS.

A SEMANA DA VOLTA DAS VACACIÓNS, TAMPOUCO PUIDO SER POR ACONTECEMENTOS ALLEOS A NÓS QUE FIXERON QUE TIVERAMOS QUE VOLVER A CANCELAR... PERO DESTA VEZ, CONSEGUÍMOLO E PASAMOS UN DÍA XENIAL.

PREPARAMOS GOFRES, QUE XA COÑECEMOS A RECEITA, E ACOMPAÑÁMOLOS DE FROITA: AMORODOS, ARANDOS, FRAMBOESAS E PLÁTANO. BUENO, E TAMÉN UN POUCO DE CHOCOLATE...

SAÍRON RIQUÍSIMOS! 

VISITA Á EXPOSICIÓN DE HELMUT NEWTON

O MÉRCORES DÍA 10, FOMOS ATA A CORUÑA PARA VISITAR A EXPOSICIÓN FOTOGRÁFICA DE HELMUT NEWTON.

VISUALIZAMOS ALGUNHAS DAS FOTOGRAFÍAS QUE ESTÁN NA EXPOSICIÓN E DESPOIS ESTIVEMOS NUN LABORATORIO FOTOGRÁFICO.

TAMÉN TIVEMOS TEMPO DE LECER NUN PARQUE PRETIÑO DO PEIRAO E MERENDAMOS ALÍ. 

PLANTAMOS AMORODOS

APROVEITANDO QUE COMEZOU A PRIMAVERA E QUE O NOSO PROXECTO "SEMENTANDO SAÚDE" NOS CONCIENCIA DA IMPORTANCIA DE COMER SAUDABLE, PLANTAMOS UNS AMORODOS. 

PRIMEIRO TOCOU PREPARAR A TERRA E TIVEMOS QUE ARRANCAR HERBAS MALAS. FIXEMOS UNS BURATOS ONDE COLOCAMOS AS PLANTAS DE AMORODOS E DESPOIS REGAMOS PARA QUE MEDREN.

TAMÉN DECIDIMOS FACER UNS CARTEIS QUE COLOCAMOS NA HORTA PARA QUE NINGUÉN COLLA E COMA OS AMORODOS. ESCRIBIMOS E DEBUXAMOS TRES CARTEIS POR EQUIPOS, PLASTIFICÁMOLOS E CRAVÁMOLOS AO REDOR DO MACETEIRO ONDE PLANTAMOS OS AMORODOS.

AGORA TOCA COIDAR AS PLANTAS PARA QUE MEDREN AMORODOS SABOROSOS.

INVERNO EN LEDOÑO

AO LONGO DESTA ESTACIÓN, TIVEMOS E FIXEMOS VARIAS PROPOSTAS: LÓXICA-MATEMÁTICA, EXPRESIÓN PLÁSTICA, CONTEO, LECTOESCRITURA...

A PROPOSTA QUE MÁIS NOS TIVO OCUPADOS FOI A DE FACER FOLERPAS. PROBAMOS DISTINTAS MANEIRAS DE DEBUXALAS, AÍNDA QUE CON ALGUNHA TÉCNICA NON TIVEMOS MOITA SORTE.

FINALMENTE DECIDIMOS FACELAS CON PASTA DE MODELAR, MARCALAS E PINTALAS CON DÚAS CORES QUE SE IDENTIFICAN CO INVERNO.

MUSEO DE BELAS ARTES DE A CORUÑA

O PASADO VENRES 15 DE MARZO VISITAMOS O MUSEO DE BELAS ARTES EN CORUÑA.

ALÍ CONTÁRONNOS A HISTORIA DE CAROLINA A TRAVÉS DE DIFERENTES OBRAS DE ARTE, COMO ESCULTURAS E CADROS.

DESPOIS DA VISITA, MERENDAMOS FÓRA DO MUSEO E TIVEMOS UN RATIÑO DE LECER NUN PARQUE PRETIÑO DO LUGAR, ANTES DE VOLVER Á ESCOLA.